حكاية عشق
جلال محمد
كفرالشيخ.مصر
………………….
سألوها عني
سكتت
وبعدها ردت
وقالت معرفوش
وعيوني ف طريق
ماشفتهوش
مع إنهم لوسألوني
عنها
هردبكل ثقه
حُبها لسه ف قلبي
مانستهوش
كانت زي البدر
الكون منور
وكان فيها شئ
شاغلني
وليها أسيرني
شئ واخدني غصب
عني
كانت بتحتويني بقلبها
وبجمال كلامها
وعطر لسانها
وهدوء عيونها
كانت بتزرع الأحلام
ف دربي
وبتمسح الدمع من
عيني
وكانت بتفرش الفرح
ف سنيني
وحال الدنيا
مش كل حاجه
بنحلم بيها بنلاقيها
فيه ناس سهل
نشوفها
بس صعب علينا
نلاقيها
ولوتسألوني عنها
هقول مش كل
الكلام عنها يتقال
وخلاصة الحكايه
والموال
إنها حكاية عشق
صعبة المحال
كنت نفسي أعيش
وياها
ولوف الخيال
………………..
2023/8/22
