حِبوها و قَدروها
الجمال باين فى صورة
وكل شيئ فى مكانه صح
والعينين كتير مبهورة
شيئ يخللى القلب يفرح
نخسر ايه لوكان حياتنا زى
صوره وكل شيئ كان فيها أوضح
يحصل ايه لو كل حاجه حلوة
بينا يبقى ليها فيها مطرح
لو نفتح نور عينينا للصواب
والنجاح دايما ونلمح
أو نسيب خيال عقولنا
ويا كل الصح يسرح
يلا نخلى مستقبل بلدنا
يبتدى يكبر ويطرح
مرتشى
إوعى يوم تبقى عارف إنه
عايش وسطنا وتسكت وتسمح
لِص
قوله دايما إن الحرام نار
وآيده لهيبها يِلفَح
مؤذى
لازم يبقى عارف إن الأذيه
لو بكلمه واحده تجرح
مشهور
إبقى قدوه للكبار والصغار
ساعتها كلنا نسقف لك وتنجح
عالِم
إوعى تيأس مهما عاندك من
طيور ظلام باسنانها تدبح
مدرس
إعتبر كل الولاد أولادك إنت
وأدى الرساله وربِّى واشرح
جار
إوعى تنسى حق جارك لو يجور
عليه كلاب السِكك وتنبح
مسؤول
والمسؤليه بدون كلام على
الضمير الحى بتحرك وتنقح
طالب
ذاكر واجتهد واختار لنفسك هدف
قدام عينيك هاتفوز وتربح
دكتور
إفتكر إن الرساله مش بسيطه
والمواجع مؤلمه ولا بد تنجح
مهندس
البلد محتاجه ليك والإهمال فى
المواقع عواقبها تُبرِح
فلاح
إروى الجنايين بالعرق ماتسيبش خيرك ينسرق لاجل جناينك ما تطرح
الجميع
رساله ليكم يا كل ولاد بلدنا ويلا
نبتدى علشان بساتينها تطرح
خيرى ناصف khayry nassef
