حراس الطابيه بقلم /محمود المزلاوى
لاقلت فى يوم انا فارس 
ولا تمنيت اكون عنتر
صبح للكلمه ميت حارس
تهمونى بانى شيخ منصر
لانا قوال ولا دارس
دا حرف لفكره مش اكتر
وانا اللى مركبى باجس
صبح مقدافى متكسر
والعود من همى بقى يابس
واهرب من قولى واتنكر
لغة الحياه فض مجالس
والويل من كلمه تتبعتر
جبنا وبنقول متين حابس
لو هل علينا يتمخطر
يهش ينش ويتامر
يكش الوش ويتغيير
وميت ندامه مانيش فارس
ولا حقدر يوم اكون عنتر
خدعوكى ياطابيه وحبسوكى
والاسم جنابهم يحموكى
حابكين اللعبه وسجنوكى
ماتصحى منامك نسيوكى
بالصوت العالى خرسوكى
ووشاحهم لاسود غموكى
لو تسءلى مره يجاوبوكى
ماهو اصل العرق ده مملوكى
بتمنى فى يوم اكون فارس
وتدب فيا روح عنتر
دهنوا جدرانك لون اصفر
نقشة فستانك دم احمر
قلعة اسوارك م المرمر
والشوك حواليكى متبعتر
بينادى جنابك جدع اسمر
نفسه من قيوده يتحرر
ويصرخ ياما لويقدر
يفض حصارك ويدبر
لكن حواليكى بيتمخطر
كرباج جلاد وكلب اعور
يهش ينش ويتامر
يكش الوش ويتغير
وميت ندامه مانيش فارس
ولاهقدر يوم اكون عنتر. حراس الطابيه
