حد بديل

حد بديل.
بقلمي/فتحي ابو طاحون

أنا حفضل اغني واقول مواويل
من بعدك ولا شئ يمنعني
معاك أنا يامه شفت الويل
خاين وجارحني إيه يعني ؟!
دي خيانتك ليا وغدرك بيا
صحو القلب الطيب فيا
فما عدش حب تاني يوجعني
انا حفضل اغني واقول مواويل
من بعدك ولا شئ يمنعني
طول عمرك وانت بوشين
ذاقيني المر صبح وليل
ماكنش ليك غير حلين
أبعد وأشوف حد بديل
بيا يحس ويسمعني و
إن مالت الدنيا يبقى أصيل
مايحبش نفسه ويبيعني
أنا حفضل اغني واقول مواويل
من بعدك ولا شئ يمنعني
دي حياتي وياك كانت مليانه
ظلم ووجع
لا صبر عليك كان نافع و
لا قلبك عن ظلمه رجع
لا عمرك حسيت بالذنب ولا
بتعرف تصون الجدع
عايش بس بدم تقيل
بتدور على إيه يوجعني؟؟!
داانا حفضل اغني واقول مواويل
من بعدك ولا شئ يمنعني
بقلمي.
فتحي ابو طاحون