بدعي عليك

بدعي عليك..

بقلمي/السيد حسن.

(فتحي ابو طاحون)

جي تاني..تطلب حناني ؟

ياللي كنت..سبب حرماني ؟!

جي تأسى ولا تشمت ؟

ولا تختم فوق جناني ؟؟

دا بعدي عنك..رحمة منك.

دا إللي شفته..رغم سنك..

قبل الاوان وقع سناني!!!

..جى تاني..تطلب حناني ؟؟

..ياللي كنت.. سبب حرماني!!

أحترت فيك..من كرهي ليك.

أنا كل ساعة..بدعي عليك..

وبقول يارب تبقى ف مكاني….

لا تلاقي لعيونك نوم.

ولا تعرف م الهم تقوم..

يفضل قلبك كده محتار.

لا هو طايل جنة ولا نار..

بذنبي وتدوخ علشاني….

…وجي تاني..تطلب حناني؟؟؟

…ياللي كنت..سبب حرماني!!!

حتجيني وعينيك مكسورة.

وحشوف روحك مقهورة..

لما قلبك يبكي بقوة.

وناري تحرقة من جوة..

حيشرب بإيديك نفس الكاس!

حيجرب نفس الإحساس!!

حيذلك تيجي تترجاني…..

ساعتها تلاقيني بقولك،

….ليه جي تاني..تطلب حناني؟؟؟؟

….ياللي كنت..سبب حرماني….

             بقلم : السيد حسن.

(فتحي ابو طاحون)