…….خليك فاكر
……..
كلمات يحيي العبادي
==============
فاكر زمان وانا صغير
بس كان والوقت اتغير
فاكر زمان لما كنا هناك
وكان الحلم لينا منور
فاكر امي وخداني
وابويا كان وحداني
سارحه بقله ميه علشانه
من العطش ابويا بيعاني
فاكر لما كان بيضربني
يقولي عايزك راجل ي ابني
وشد الحيل وشوف درسك
بلاش تلعب وتتعبني
امي حبيبتي النور ليه
اخدتني بعيد عنه شويه
وقالت ياابني كله عشانك
لاحظ ابوك أيده مهريه
حاول تكون جد في درسك
اصحي وقوم شوف كتبك
خلينا نفرح بيك دائما
انا وابوك اوي بنحبك
خلوني افضل كدا فاكر
صاحي لدروسي وبذاكر
وكل يوم طلباتي تزيد
تعبم علشاني مش ناكر
الوقت فات وبقيت عارف
عمرك بروح خليك شايف
والي رحل ابويا وامي
وعلي ولادي بقيت خايف
دائما بقول الي جرالي
من ايد ابويا ومن خالي
وكل حاجه وليها مجال
دائما بقولها لعيالي
زي زمان مفيش خالص
مين جنب منك بيك حاسس
والدنيا واخدانا وراحه
لعلم حياه مش لمدارس
لو ه افتكر ابقي مذاكر
لفضل ربنا مش ناكر
القبر علي بابه حقيقه
من غير ماتقطع له تذاكر
اعمل حساب انك راحل
وان الحياه فينا مراحل
اعرف بانك لك سيره
خلي البشر تقول كان راجل
اصل احنا ماضي أن شئنا
او حتي في الهم غرقنا
مهما نعيش لازم نرحل
والي جمعنا يفرقنا
ربك كبير قادر يرحم
وحالنا بيه الله اعلم
عيش الحياه قلبك صافي
قبل ما يجي اليوم تندم
