هدير احمد عبد الغفار تكتب عن أمــــى
كتبت /هدير احمد عبد الغفار
دى ست الناس وست الكل والغاليه
دى شمس الكون وقمره فى السما عاليه
لو اتكلم عن الطيبه عن حد يشوفنى فيسمى عن حد اغلى من روحى ومن عمرى ومن دمى هاقف مصلوب طولى واشاور واقول امى
هاقف قدام العالم كله واقول أنا منك انا ضلك
وعندك انتى ياما وتحت رجلك اصغرلك وانزلك
امى ثم امى ثم اى حاجه تهون
دانا لوهتكلم اد عمرى هافضل ليها مديون
امى لو تضحك يبقي يومى زى الفل
امى شمس كل يوم عليا تطل
والله ياما لو تزعلى الايام تشبعنى ذل
ياما كنتى بتتعبى عشان تراضي ياامى الكل
اعيشلك انا خدام واعيش اطيع امرك
ياللى تعبتى معنا وخدنا من عمرك
اشيلك جوه قلبى واشيلك فوق راسي تاج دانا لو اتوه والا اتعب انتى ياامى المراسي
وانتى ياغاليه العلاج
امى الراحه والماوى بوجودها والله باستقوى ومهما اقابل من اوجاع
بدعها بارجع اكون أقوى
مين غيرك يتنادى ويتقاله ياما
ومين غيرك هيقبلنى بعيوبى ويحبنى بكل ذمه
كل الناس ميفرقش معها وجودك الا امك عايزاك تعلى دايما وتوصل للقمة
