جبان في بلاد العرب
هتقول لي حَرب وتقرفني
وتقول لي سيبك مِل كورة
هتقولي ربَّك يا حبيبي
والدين مَهُوّاش أسطورة………..
لأ لأ، لأ لأ، لأ لأ، لأ
خليك في نفسَك يا معلم
وإياك لغيرك تتكلم
الهضَبة عِشقي والهيفاء
وأبويا حَب الشحرورة…………..
أنا عمري ما دخلت الجامع
ولّا أنت عامل مش سامع
ولا عمري يوم كُنت أتبرّع
حتّى بلمونة معصورة…………..
طول عمري فرخة وعِشت جبان
والحرب نخوة للشُّجعان
تسألني عن غزّة هقولك
حماس مقاومة مأجورة……………
لأ لأ، لأ لأ، لأ لأ، لأ
بتقولي إرفُض أو قاطع
لازم أعيِش وافْضَل راكِع
وامِد سِيدي بالأموال
يمكن بلادهم معذورة
الكِرش هَمّي والنسوان
مش حرب مُسلم ضد كيان
ورَفْضي للحرب عقيدة
لو حتّى هلبس تنُّورة…………….
فالح لي تكتب في الأشعار
دا الحرب زفت وقتل ونار
والخوف مسيطر ع الجدعان
والعزّة ماتت مكسورة………….
والعزّة ماتت مكسورة…………..
محمد عبد المرضي منصور
مصر
جبان في بلاد العرب
