يارب/بقلم: يحيى العبادي
نفسي اجيلك من بدري
نفسي اجيلك وانا بجري
وارمي همومي باحضانك
ول حد كدا ينتهي عمري
امتي هاجيلك …تلقاني
ياابويا طيفك مانساني
انا تهت في الدنيا بعدك
تهت من نفسي ومكاني
القبر راحه وانا رايح
والفكر مشغول ب امبارح
نفسي افوتها وانساها
وابعد عن الخلق الجارح
ياابويا طيفك بيناديني
نفسي بايدك تلاقيني
وتاخدني تاني بيوم حضنك
عشان تجف دموع عيني
في كل حاجه لسه بشوفك
وبحسب كفي بكفوفك
وبقول ياريت اكون جنبك
حضنك حقيقه مش طيفك
ياابويا صوتك ب يناديني
مشتاقه ليك نظرة عيني
بعدك مفيش احساس بيا
دنيا تشيلني وترميني
فاكر انا كل كلامك
جوايه حضنك وسلامك
والكل بيقول عنك غالي
وان الي عرفه ب علامك
الكل بيقول راجل طيب
تحسه منك……. وقريب
دائما بالخير أيده ممدوده
وكلامه حلو ما يتعيب
ياابويا امتي اكون عندك
جسمي يحس رمال قبرك
افوت حياه جرحت قلبي
ويكون دواه بلقاه قلبك
=الله يرحمك ياابويا=
