العلاقات ارزاق.. حلوة العلاقات الحلوة ، رزقها ما بعدها رزق

العلاقات ارزاق..
حلوة العلاقات الحلوة ، رزقها ما بعدها رزق ..

علاقات فيها الناس حلوة بجد .. لا فيها نداله ولا قلة اصل ولا تزييف .. لما يحصل زعل يجروا علي بعض واول الكلام ” الدنيا كلها تزعل إلا انت ”

علاقات منورة واضحة ، الكلام فيها من غير حساب ، تقول اللي جواك وانت مرتاح ومتأكد انك مفهوم ومقبول زي ما انت ..

مش بتزوق كلامك علشان تتفهم ولا بتدافع عن نفسك لأنك متأمن بحب اللي معاك ..

علاقات فيها سند ، وخدمة بجد من غير معايرة ولا غدر ولا خيانه ولا قلة أصل ولا نداله ولا قلبة وش !!

علاقات كل واحد فيها علي طبيعته، بيلاقي نفسه واكتر من نفسه ، العهد والمحبة شاهد عليها قلب صافي نضيف وكلام حلو عفيف..

رزق احلي من الفلوس ، جمال العلاقات والنفوس👌♥️🦋
د. مجدي إسحق
(ربنا يديم فى حياتنا الناس الواضحه والنفوس الجميله
يديم فى حياتنا الرزق الحلو والحلال )