حق الشهيد/بقلم: الاديب عاصم بكر علي منصور
(حق الشهيد)
علشانك يامصر يوم جديد
بيضحي علشانك كام شهيد
رايح للشهاده وكأنه يوم عيد
ده حقك يا بلدي لازم يسود
حلفين يمين و حفظين عهود
ما يدخلك خاين ولا جحود
بخياله يفكر يعدي الحدود
ها يلاقي كتيبه من الأسود
ينهشو لحمه بعزم كانهم فهود
يا امي انا واحد من الجنود
دم أخويا دين عليه لازم يعود
اللي سايب وراه طفل مولود
وزوجه وام وربنا ليهم موجود
امسحي ياامي من ع الخدود
دمعة حزن دانا بالشهاده سعيد
بلاش حزنك يعمل بينا سدود
حقي راجعلي في يوم اكيد
اسمعي لكلام رب الوجود
الشهيد في الجنه ودار الخلود
لما نتقابل في يوم الحشود
مستنيكي وشايلك ورود
قولي لابني ابوك كان شديد
يضرب بقوه و عزم حديد
بيحارب إرهابي طبعه عنيد
هو خاين وأبوك راح شهيد
علشان مصر تعلي والخيريذيد
و اسمها في الزمان بالنور ممدود
بحبك يابلادى يأرض الجدود
محميه من ربنامن كل حقود
بندعيلك يامصرفي كل سجود
يحمي ناسك واهلك والجنود
اللهم انصرك وصبر ام كل شهيد
بقلم الاديب/عاصم بكرعلي منصور
قصيدة (حق الشهيد)
حق الشهيد/بقلم: الاديب عاصم بكر علي منصور
