اختار اللي يقدرك خليك عارف إن اللي انت بتطنشه ده علشان ضامن وجوده
اختار اللي يقدرك خليك عارف إن اللي انت بتطنشه ده علشان ضامن وجوده
بقلم سوزان عادل
اختار اللي يقدرك خليك عارف إن اللي انت بتطنشه ده علشان ضامن وجوده
في غيرك يتمنى بس نظرة منه
واللي انت بتقسي عليه ده ف غيرك يتمنى يطبطب عليه ويسمع وجعه وشكوته !!
” كلنا بنتعوض والله يا جماعه “
بس اللي جنبك وصابر عليك ف هو صابر لانه بيحبك بجد ومش شايف غيرك .. مش علشان مش هيعرف يعوضك !!
الاهتمام مش بس بيخلق فوق العشق عشقين، الاهتمام بيخلى الروح فرحانه انها عرفت تختار صح، بيخلي الملامح تنور ….. الاهتمام أهم ألف مرة من الحب…لأن كتير بيعرفوا يحبوا…. لكن نادرين اللى بيقدروا يهتموا ، نادرين اللى بيقدروا ينشغلوا بيك بجد !!
لما تختار…. اختار اللى يهتم بيك مش اللى بيحبك.. موضوع خد اللى يحبك ما تاخدش اللى تحبه ده انتهى من زمان !!
اختار اللى يقدر يحتويك بقلبه وعقله وأفعاله و تصرفاته ووعوده الصادقة وبقاءه علي العهد !!
اختار شبيه لروحك يهمه تفاصيل ألمك قبل فرحك !!
اختار اللى يعرف في عز الزحمة يخطف بصيرتك و يكون مرايتك وسندك ونجاتك !!
اختار سـندك وعكازك بدقة وإتقان…. قبل فوات الأوان
