/////(علمتني)/////
علمونى يوم ميلادي
ان مصر ايه ام
علمونى ان بلادي
بالنسبة لى روح ودم
لما امى رضعتني
قالت فى ودنى…بلدك اهم
قالت ياولدى احمى ارضك
راح فداها حال وعم
قالت ياولدى بلدك امانه
قالت كمان المهانه فى الخيانه
قالت ياولدى حب الوطن ديانه
مهمًا تتغرب لوطنك نحن
علمونى حاجات كتير
علمونى معنى الجهاد
قالوا لازم اكون مجتهد
عرقى يكون عليه شاهد
ابنى فى أرضي ألف شاهد
فى العمار دايما اساعد
علمونى الحب الحقيقي
لازم يكون الخير طريقي
علمونى اكون مواطن
حب بلدى ظاهر وباطن
علمونى فى الطفولة
يعنى ايه هى الرجوله
والشجاعه والبطوله
علمونى ازاى ادافع
عن بلادى بالسيوف وبالمدافع
قلى جدى كلمه فى ودني
اوعاك تسمع يوم اشاعه
اوعاك تصدق يوم عدوك
لو يقولك ان بيصون مصالحك
العدو عمرة يوم مايكون لصالحك
علمونى حاجات كتيييييير
بس حذرونى اكون اناني
واعيش على الاماني
حذرونى من الخيانه
قالوا اوعى سيفك ينام
مهما كان فيه سلام
مع تحياتي
محمد محمود عبد الدايم
////(علمتني)/////
