لما العمر حب متاخر 

لما العمر حب متاخر

شعر .قدريه يا مصطفى

كان في ال 30 ولسه الحلم في عينيه

وهي في الاربعين بس الطيبه ساكنه فيه

قابلها صدفه والدنيا اتغير لونها

ضحكت له نسي سنه وسنونها

قال لها انت النسمه اللي عايشه جوايا

لو تبعدي لحظه قلبي يموت وياي

قالت له خايفه اظلمك بالعمر

انا خطواتي تعبانه وانت في البدء

حاول يقنعها وقال لها الحب ملهوش سنين

ده فيكي لقيت الحياه والفرح والحنين

بس هي دمعت وقالت له سيبني اروح

قبل ما الزمن يضحك علينا بالجروح

مشيت وثابت في حضنه وفراغ

وثابته ينادي اسمها في الف طريق وبلاغ

ومن يومها قلبه سكت بس صوته في الدعاء

يا رب خليها بخير وان كانت بعيده تبقى معايا

بالرجاء

يحلم بيها كل ليله في المنام

ويفوق على ريحتها في الكلام

وهي برده بتنام على الدمع والحنين

تقول في سرها ما كانش ذنبي

بس كان نصيبنا حزين

انا اللي مشيت بس قلبي ما قدرش يمشي

سابني هناك عند اول كلمه قالها وهمس لي

قال بحبك والكلمه لسه جوه وداني

بتصحيني كل ليله و توجع احضاني

كنت بخاف عليه من بكره مجهول

ومن كلام الناس والفضول

هو كان حلم كبير وانا له امان

بس خفت عليه مني ومن حكم الزمان

قلت اسيبه قبل ما يبقى وجعي فيه

واسيب الدنيا تضحك لو مش بيا تبقى بيه

بس بعدي عنه كان موت على الهادي

عيوني تدمع وقلبي ينادي

بيجي في خيالي ما بين النوم و الصحوة

امد ايدي المسه لكن الهوا يروح سهوه

افتكر ضحكته اسكتوا ونظرته الحنون

واقول لنفسي كان يستاهل يعيش الجنون

دلوقتي عايشه بس ناقصه الروح

اللي خدها ومشي سابني للبوح

بحكي له في قلبي زي ما لسه هنا

وكل مره اقول خلاص وارجع انا

هم الاثنين لسه هناك

بين ذكرى وضحكه وصوره في الهوا باقيه

هو يدعي لها في ليله وهي تبكي عليه

ويفضلوا حبايب

وان بعد الجسد فالقلب ملهاش سلطان عليه

لما العمر حب متاخر