أسوار الذاكرة
بقلم/نشأت البسيوني
في مكان بعيد عن الزحمة وعن الناس اللي كل يوم بيعدوا جنبك من غير ما يلاحظوك هناك أسوار الذاكرة بتحرسنا بتحمي لحظاتنا اللي اتكتبت على جدران قلبنا من أيام ما كنا صغيرين من أيام ما حسينا أول فرح وأول وجع وأول حلم اتكسر الأسوار دي مش ملموسة لكنك بتحس بيها كل ما تحاول ترجع لمكانك الداخلي كل ما تحاول تعرف نفسك بعيد عن ضوضاء العالم هناك تلاقي صور
مخفية وذكريات نسيتها وحكايات محدش عايز يسمعها لكن جواك ليها صدى كبير بتحس إن كل مشهد ضاع في الزمن له سبب وإن كل ضحكة فرحتك فيها أثر وإن كل دمعة نزلت على خدك علمتك حاجة عن صبرك عن قوتك عن إنك قادر تواجه حتى لو محدش شافك الأسوار دي ساعات بتتساقط لحظة لحظة لما موقف صغير يفتح باب قديم لما كلمة تمر على ودنك تخليك تفكر في اللي كان
لما صوت يرن ويعيدلك ذكرى ناسية بتحس إنك عايش مش بس الحاضر لكن كل اللي فات وكل اللي هيتكتب بعد كده وبتكتشف إن كل الناس اللي عدوا عليك واللي ما بقوش موجودين كانوا جزء من الطريق اللي بيشكل شخصيتك وإن كل تجربة حتى لو موجعة كانت مجرد حجر بيبني بيتك الداخلي وإنك كل مرة بتقف وبتفكر في نفسك بتكتشف إنك أكبر وأعمق وأقوى من أي وجع ضاع منك
أو أي حلم اتكسر وفي لحظات الليل لما الصمت يسيطر على كل حاجة بتحس إنك مش لوحدك هناك في قلبك جواك أسوار ما حدش قدر يكسرها إلا انت وحدك بس ممكن تسمح لها إنها تتفتح تدريجيا عشان تسمع صوتك الحقيقي وتفهم نفسك وتعرف حدودك وتحس بقيمة كل لحظة عشتها وكل قرار أخدته وكل ناس قابلتهم وكل أماكن دخلتها كل شيء اتجمع جوه الأسوار دي ليه معنى
وبتعرف أخيرا إن الحياة مش بس اللي بيحصل قدامك الحياة أكبر وأعمق وأقوى من كل اللي تتخيله وكل اللي جوه قلبك اللي ما اتشافش حد تاني يعرف قيمته غيرك وإنك مهما وقفت أو ضعت أو اتوهت فيه أمل جوه الأسوار دي بيكبر معاك وبيعلمك إنك قادر تكمل مهما الدنيا كانت صعبة وإنك تقدر تكتب لنفسك قصة جديدة من غير ما أي حد يحكم عليك أو يحددلك مصيرك
