صمت الطرق المغلقة
بقلم/نشأت البسيوني
في لحظه هاديه وسط صخب الأيام تلاقي نفسك واقف قدام طريق مغلق الطريق اللي كنت فاكر إنه واضح ومفتوح فجأة يبقى ضيق ومظلم وتلاقي الأسئلة بتكدس جوه راسك والذكريات بتضغط على قلبك والوجع اللي كنت سايب له مساحه صغيرة فجأة كبر وملأ روحك وتبدأ تحس إنك تايه بين خيارات مش من اختيارك بين ناس مش من مستواك بين حاجات ما قدرتش تتحكم فيها ولا
تعدلها وتلاقي نفسك بتسأل نفسك أسئلة عمرك ما توقعتها أسئلة عن قيمتك عن مجهودك عن حياتك وعن كل اللي ضحيت بيه
وتفتكر كل مره صبرت فيها من غير سبب كل مره ضحكت فيها علشان حد مايزعلش كل مره سلمت روحك من غير ما تطلب أي مقابل كل مره خفيت دموعك علشان ما تكسرش قلب حد أو علشان تحافظ على صورة أمام الناس وكل يوم بتلاقي نفسك بتعيد نفس
المشهد بنفس التعب ونفس الألم ونفس الخيبة ونفس الانكسار بدون أي تقدير بدون أي اعتراف بدون أي شكر ومع كل ده بتكتشف إن الطريق المغلق مش عشانك تايه أو ضعيف الطريق المغلق عشانك تبص جواك وتشوف حجم قوتك وحجم صبرك وحجم تحملك وحجم الألم اللي اتحملته وحجم الحلم اللي ما استسلمتش ليه وحجم الرحمة اللي ما طلبتش منك ولا دفعت منك بس بقيت
موجودة فيك كل يوم وانت واقف ومش قادر تتحرك بس لسه واقف وتفهم إن مش كل اللي نتمناه بيتحقق مش كل اللي نستحقه بنتلقاه ومش كل اللي ندي للناس يرجع لنا الطريق الحقيقي اللي يمشيه قلبك مش اللي العالم بيقوله الطريق الحقيقي اللي يمشيه وعيك وتجربتك وتجاربك وحجم وجعك اللي خلاك أكبر وأقوى وصدرك أوسع وروحك أعمق الطريق اللي هيوصلك للسكينه اللي
مستنيك في يوم مش بعيد الطريق اللي هيفتحلك أبواب كانت مغلقه عنك من سنين وتلاقي نفسك واقف وتشم هوا جديد وتسمع صمت الطرق المغلقة بيهمسلك بيقوله الطريق ده كان لازم يمشيه قلبك بنفسه الطريق ده كان لازم تعرفه وحدك الطريق ده علمك الصبر علمك القوة علمك انك مش محتاج حد يحميك ولا يدافع عنك ولا يقيم قيمتك الطريق ده علمك إن وقفتك بعد الانكسار
بطولة وإن صبرك بعد التعب حكمة وإن كتر وجعك دليل إن روحك لسه عايشة ولسه بتحارب ولسه عندها حاجة محتاجاها ولسه عندها جزء صغير لسه ما ماتش وساعتها بس ترفع راسك وتشوف الطريق كله قدامك حتى لو مغلق وفيه عقبات حتى لو مليان حواجز لأنك دلوقتي مش خايف تمشي لوحدك مش محتاج حد يفتحلك طريقك ومش محتاج أحد يوقفك وتعرف إن كل خطوة
هتمشيها دلوقتي هتكون اختيارك وهتكون قوتك وهتكون دليل إنك قادر تواجه أي شيء مهما ضاع منك أو اتسرق منك أو اتظلمت فيه وتسمع الصمت بيهمسلك جوا قلبك ويقولك استمر الطريق مغلق بس انت اللي هتفتحه انت اللي هتمشيه انت اللي هتعرف نهايته انت اللي هتعرف قيمتك انت اللي هتعرف قدر نفسك وانت اللي هتسمع صدى خطواتك وتعرف أخيرا إن الطريق المغلق كان أعظم درس وأقوى تجربة وأعمق اكتشاف لنفسك
