ريح الحياه اللي بتعدي من غير ما تستأذن
بقلم/نشأت البسيوني
في لحظات غريبه كده بيقف فيها الانسان قدام نفسه ويسأل هو ازاي الدنيا بتجري بسرعه وهو لسه واقف مكانه ازاي الايام بتكسر وتضرب وتهد وتهدي وبرغم كل ده الروح جواها حاجه بتقول كمل وخليك ثابت مهما كان الحمل تقيل ومهما كانت الظروف اقوى من الخطوات اللي بتتوه وسط الزحمه اللي محدش بيسمع فيها غير صداه هو بس الانسان ساعات يحس انه بيتخلق من جديد كل يوم
بيصحى على تجربه مختلفه وجرح جديد وفرصه يمكن تكون هي اللي تغير مصيره كل ده بيعدي من غير ما يستأذن ومن غير ما يقول هو جاي ليه ولا رايح فين بس القلب بيحاول يفهم ويقاوم ويحافظ على الجزء الصغير اللي لسه عايش جواه وبيقوله اوعى تتنازل عن حلمك مهما كان بعيد ومهما كانت الطريق قدامك مكسر روحك اللي بتتهز مش ضعف ده اشارة انك لسه عايش ولسه عندك
حاجه عايز توصلها ولسه بتتعلم من كل حاجه فوقعتك اللي وجعتك كانت سبب انك تفهم قيمه وقفتك والناس اللي كسرتك علموك ازاي تحافظ على نفسك والدنيا اللي بهدلتك صنعت منك نسخه اقوى بكتير من اللي كنت فاكره جوه كل حكاية لحظه بتفصل بين انسان بيستسلم وانسان بيكمل واللحظه دي هي اللي بتخلق جوا الانسان صلابه مش بسبب انه ما اتألمش بالعكس بسبب
انه اتألم واتوجع وفضل واقف قدام العاصفه من غير ما يتهرب ومن غير ما يطلب من حد ينقذه وفضل يقاوم بضلوعه وبرغم تعبه كان بيقول انا مكمل لان الحياه مش هتوقف عشان حد ولا هتدي فرصه لحد غير اللي بياخدها غصب عنها الانسان اللي بيعدي فترات صعبه مش بيموت بالعكس بيحس بقيمه الروح جوانه وبيقول لنفسه انا ما استسلمتش المره دي ومش هستسلم بعد كده لان كل خطوه
كانت جزء من نضجه وكل دمعة كانت بتعلمه يمشي وهو ثابت وكل جرح كان بيقوي جلده اكتر من الاول وكل محنه كانت بتصنع منه نسخه ما يتكررهاش في حد تاني كل ده بيحصل من غير ما الدنيا تستأذن ومن غير ما تقول له استعد بس هو دايما بيقوم ويعافر ويفضل مكمل عشان نفسه بس مش عشان الدنيا اللي عمرها ما راعت حد ولا هتعرف قيمه حد الا لما يشوفه واقف رغم كل حاجه وده اقوى انتصار ممكن يعمله الانسان في حياته
ريح الحياه اللي بتعدي من غير ما تستأذن
