أبعد من السؤال
بقلم/نشأت البسيوني
في لحظات كتير بنسأل نفسنا أسئلة ما نلاقيش لها إجابة واضحة أسئلة بتطلع من عمق التعب ومن زحمة الأيام ومن الصمت اللي ما حدش يعرف نبرته غيرنا أسئلة شكلها بسيط لكنها بتفتح جوانا أبواب ما كناش عايزين نفتحها أبواب بتواجهنا بحقائق حاولنا نهرب منها وقت طويل والغريب إن الإجابات عمرها ما تكون هي الأساس الأصل دايما في السؤال لأنه السؤال هو اللي يكشف الإنسان لنفسه
هو اللي يعرّفك إنت واقف فين وإيه اللي ناقصك وإيه اللي زيادة على روحك وإيه اللي محتاج تمشي عنه من غير خوف ولا تردد
وفي كل رحلة بحث جوه الإنسان يكتشف إن السؤال الحقيقي مش عن الناس ولا الظروف السؤال الحقيقي عن نفسه عن قلبه اللي اتغير من غير ما يحس عن أحلامه اللي وقفت فجأة من غير سبب واضح عن علاقات بقت تقيله وعن ضوضاء بقت أعلى من راحته
وعن تفاصيل استنزفت طاقته لحد ما فقد جزء من صوته
وأبعد من السؤال الإنسان يلاقي نفسه قدام مفترق طرق طريق يكمل فيه بنفس الوجع ونفس التفكير ونفس التردد وطريق تاني يشبه ولادة جديدة ولادة هادية من غير دوشة ولادة فيها عقل أنضج وقلب أوضح وخطوات محسوبة مش مبنية على خوف ولا على مجاملة ومهما كانت الأسئلة مؤلمة تفضل هي السبب في إن
الإنسان يعرف قيمته يعرف هو بيضيع فين وبيكسب فين وبيكبر منين وبيتكسر منين يعرف إن اللي افتقده كان درس وإن اللي كسبه كان نعمة وإن اللي اتأخر كان خير وإن اللي اتقفل كان حماية وإن اللي اتفتح كان بداية جديدة مهما كانت صغيرة أبعد من السؤال نكتشف إن الطريق مش محتاج ردود الطريق محتاج صدق محتاج إن الإنسان ما يخدعش نفسه وما يكمّلش في حاجة مش
شبهه وما يعلقش حياته على حد مش قدها وما يستناش من العالم إحساس هو اللي لازم يخلقه لنفسه تلاقي نفسك وصلت للمكان اللي كنت بتدور عليه من زمان مش لأنه جديد لكن لأنك وصلت له بروح مختلفة روح متصالحه ومتصالحة مع وجعها قبل فرحها روح ما بقتش تهرب من السؤال لأنها عرفت إن الإجابة مش مهمة قد ما مهم إنك تكون صادق مع نفسك وانت بتدور عليها
أبعد من السؤال
بقلم/نشأت البسيوني
في لحظات كتير بنسأل نفسنا أسئلة ما نلاقيش لها إجابة واضحة أسئلة بتطلع من عمق التعب ومن زحمة الأيام ومن الصمت اللي ما حدش يعرف نبرته غيرنا أسئلة شكلها بسيط لكنها بتفتح جوانا أبواب ما كناش عايزين نفتحها أبواب بتواجهنا بحقائق حاولنا نهرب منها وقت طويل والغريب إن الإجابات عمرها ما تكون هي الأساس الأصل دايما في السؤال لأنه السؤال هو اللي يكشف الإنسان لنفسه
هو اللي يعرّفك إنت واقف فين وإيه اللي ناقصك وإيه اللي زيادة على روحك وإيه اللي محتاج تمشي عنه من غير خوف ولا تردد
وفي كل رحلة بحث جوه الإنسان يكتشف إن السؤال الحقيقي مش عن الناس ولا الظروف السؤال الحقيقي عن نفسه عن قلبه اللي اتغير من غير ما يحس عن أحلامه اللي وقفت فجأة من غير سبب واضح عن علاقات بقت تقيله وعن ضوضاء بقت أعلى من راحته
وعن تفاصيل استنزفت طاقته لحد ما فقد جزء من صوته
وأبعد من السؤال الإنسان يلاقي نفسه قدام مفترق طرق طريق يكمل فيه بنفس الوجع ونفس التفكير ونفس التردد وطريق تاني يشبه ولادة جديدة ولادة هادية من غير دوشة ولادة فيها عقل أنضج وقلب أوضح وخطوات محسوبة مش مبنية على خوف ولا على مجاملة ومهما كانت الأسئلة مؤلمة تفضل هي السبب في إن
الإنسان يعرف قيمته يعرف هو بيضيع فين وبيكسب فين وبيكبر منين وبيتكسر منين يعرف إن اللي افتقده كان درس وإن اللي كسبه كان نعمة وإن اللي اتأخر كان خير وإن اللي اتقفل كان حماية وإن اللي اتفتح كان بداية جديدة مهما كانت صغيرة أبعد من السؤال نكتشف إن الطريق مش محتاج ردود الطريق محتاج صدق محتاج إن الإنسان ما يخدعش نفسه وما يكمّلش في حاجة مش
شبهه وما يعلقش حياته على حد مش قدها وما يستناش من العالم إحساس هو اللي لازم يخلقه لنفسه تلاقي نفسك وصلت للمكان اللي كنت بتدور عليه من زمان مش لأنه جديد لكن لأنك وصلت له بروح مختلفة روح متصالحه ومتصالحة مع وجعها قبل فرحها روح ما بقتش تهرب من السؤال لأنها عرفت إن الإجابة مش مهمة قد ما مهم إنك تكون صادق مع نفسك وانت بتدور عليها
