إلى الطفل الشهيد علي جابر
زجل قصيد باللهجة العامية اللبنانية
زهر الطفولي
قبلك كتبت عاورواق مبلولي
بدم أمل حروفي مجبولي
أمل بنت الدر دره غابت
وبعدها دره معلقه بنت البتولي
واليوم رصاصة العٍدا صابت
علي إدين الغدر بدموا مغلولي
أرض عامل بدم الطفولي رابت
بجنوبي بدهن يخفو وجه الطفولي
يا زهر الطفولي ريحتك طابت
تغلغلت فينا زرعت بطولي
بكل وادي وجبل زهرنا نابت
طفولة جنوبنا بتحكي عن الرجولي
شو ذنب هالأم بالجمر ذابت
حملت عاكفوفها جمرة قلبها السلولي
وعاقلبها جمر فوق الجمر جابت
سيوف الغدر خلت الدم سيولي
صبرها عاجرح القلب كابت
ودموعها صرخت وجع بتحكي
يا ريت في عنا حكام مسؤولي
بقلم الأديب والشاعر د يوشع علي إسماعيل
إلى الطفل الشهيد علي جابر
