الشعر

____الاصيل___

 

____الاصيل___

بقلم/ مختار طه العدوي

تعالو نعرف يعني ايه ابن الاصول بتعرف ابن الأصول إزاى
إبن الأصول:

عمره ما ينكر فضل حد بعد فضل ربنا عليه أو ينساه.
بيفضل باقي على العشرة لحد آخر لحظة وبيعمل كل إللي عليه وزيادة.
ما بيردش الأذي بالأذي.
وقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك.

بيساعد الكل من غير أي مصلحة تعود عليه حتي لو حساب نفسه

إبن الأصول كرامته عنده راس ماله ومستحيل هيقبل أي إهانة، ونفسه عزيزة عليه فوق ما خيالك ممكن يوديك.

إبن الأصول بيعرف يعتذر. لو غلطان مش بيستكبر، يقول أنا آسف وغلطت فعلاً وغلطه ما بيكرروش.

إبن الأصول كلمته واحدة، لما يقولك هأعمل صدقه.
إبن الأصول ضميره من جواه ييتحكم فيه وما بيسلمش ودانه لحد.

إبن الأصول صاحب صاحبه جداً، مستحيل يبيع صاحبه علشان مصلحته.

إبن الأصول حد جدع بالفطرة. الطيبة ملازماه.

إبن الأصول بيعرف يعاتب مرة واتنين وثلاثة علشان مش من طبعه إنه يفرط في حد بسهولة. بس لما بيفرط ربنا ما يوريك عمرك ما هتعرف ترجعه تاني!

إبن الأصول ملوش في الحوارات، بيقولك في وشك إللي هو عايزه وإيه إللي ينفع وإيه إللي ما ينفعش. اللف والدوران مش سكته.

إبن الأصول عزيز وله بدل العزيز عزيز واتنين، مش زي غيره مالوش غالي.

إبن الأصول لو اتظلم عمره ما يظلم. بيسيب ربنا يجيبله حقه.

إبن الأصول يصفي بسرعة لو لقاك شاري، وينسي بسرعة لو لقاك بايع.

إبن الأصول يحب الخير لغيره حتي لو مش هيطول من الخير ده حاجة، ويفرحلك من قلبه بجد.

إبن الأصول عينه شبعانه عمره ما يبص في رزق غيره ولا يبص في حياة غيره.

إبن الأصول بيقدر ويحترم أبسط وأقل حاجة حلوة بتعملها معاه.

إبن الأصول ما بيعرفش يخون ولا يجرح ولا يستغل فرص ولا يستغل حد.

إبن الأصول صاحب الكل.

إبن الأصول ما يعديش عليه واجب، ويديلك حقك من غير ما تطلبه.

إبن الأصول يديلك إللي محتاجة عادي جداً، ويطلع من جيبه لحد آخر قرش معاه. ما بيفكرش في نفسه وبس، طبعه وأصله الكرم.

إبن الأصول مهما كان ناجح أو عنده كتير أخلاقه غلباه، ما يعرفش يتغر علي خلق الله.

إبن الأصول مستحيل يعايرك بإللي عمله معاك في يوم، بيسيبك لوحدك تعرف الفرق بينه وبين غيره.

إبن الأصول جواه رحمة وعدل ودايماً بيحط نفسه مكان غيره.

إبن الأصول مش لازم يكون مشهور أو إللي بيلبس برندات ولا إللي معاه فلوس ولا إللي راكب افخم عربيات و لا اللى ساكن في أحلي الأماكن ، هو اللى بيتعامل مع الحاجات دى عادى مش اللى منبهر بيها لان فاهم ان قيمته فى ذاته و ميلزموش يعرف اللى حيعرفه علشان الحاجات دى .

إبن الأصول مش منصب ولا جاه.

إبن الأصول إللي بيعمل الأصول⁦ . خليك ابن اصول واعمل بااصلك لا ن كل اناء ينضح بما فيه فااجعل نضح انائك ينضح منه كل مزاق جميل وطعمه احلي من العسل ياابن الاصول خليك انيق خليك راقي خليك محبوب خليك محمدي تحياتي مختار طه العدوي

اكمل القراءة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
آخر الأخبار