امتحانات بلا توتر

امتحانات بلا توتر بقلم: 

د // هبه فاروق 

مع أقتراب امتحانات الثانوية العامة تعلن البيوت حالة الطوارئ ؛ وترتفع نسبة التوتر والقلق والضغط العصبى والنفسى للأسرة بالكامل .

 لو كانت نسبه القلق طبيعية . يبقى طبيعى جدا  ويعتبر صحى وضرورى للتركيز والأنتباه ؛  اما ما أقصده واتكلم عنه هو القلق العنيف المبالغ فيه ؛ التوتر الذى يؤثر بالسلب على أداء ابناؤنا الطلاب حتى لو الوقت قرب .

 أولا : 

فإداره الوقت هنا مهم جدا ؛ جودة الوقت اهم من حجم الوقت التخطيط السليم فى المرحله دى مهم جدااا ؛ وأستغلال المتبقى من الوقت باذن الله هيفرق جدااا .

ثانيا :

الأكل الصحى أثناء فترة الأمتحانات من اهم الاشياء الى بتساعد اولادنا على التركيز والنشاط ؛ وتجنب الفاست فود والأندومى مثل هذه الوجبات لاتساعد على التركيز والبعد عن الإكثار من القهوة ومشروبات الطاقه ؛ ولابد من التاكد من نسبه فيتامين د  واميجا 3بيساعد جدا فى التركيز .

ثالثا : 

النوم  لابد من تنظيم النوم بطريقة صحيحه النوم ليلا ساعات كافيه ومتواصله بعيد عن الموبيل والأستيقاظ مبكرا للمذاكرة (المذاكره فى الصباح تساعد على التركيز والأنتباه والتحصيل بشكل افضل بكتير )

رابعا :

 أستخدام اكثر من حاسه اثناء المذاكرة اكتب اسمع اقرا كل ما تستخدم حواس اكتر تفيدك فى استرجاع المعلومه بشكل اسهل .

خامسا :

 تهيئة جو مناسب للمذاكرة والأبتعاد عن أماكن النوم  والبعد عن المذاكره ليلا (بالليل  ننام بس )

سادسا :

ودى اهم نقطه فى الموضوع كله رجاءا من اولياء الأمور ؛ تجنب التوتر للأبناء  اكيد  نية كل اولياء الأمور طبعا النجاح والتوفيق لأبنائهم بس ( النيه لوحدها لا تكفى) ؛ لازم تتأكد أن القلق والتوتر هيأثر بالسلب على أولادنا أحنا فى اخر السنه والأولاد متوترين لوحدهم اخلقوا لهم جو هادى مريح وشجعوهم وحفزوهم التشجيع  بيحفز الاولاد يبذلوا قصارى جهدهم للوصول الى ما يتمنوه .

سابعا :

  لازم نبعد الموبيل بعيد عن مكان المذاكرة  لتجنب التشتيت

وفق الله جميع أبنائنا الطلاب والطالبات وحقق لهم آمالهم وآمال اهاليهم فيهم يارب  🤲

امتحانات بلا توتر