الزمن الجميل
انتوا فاكرين الزمان ده
كانت العيون فيها المودة
وكانت ضلوعنا بالحنان
للخلق ماده
والدنيا فيها الخير
و قلوبنا مش قاسية
وجاحدة
والكل بيحني بيحتوي
بيعطي المحبة
حتى العيون كانت ملانه
بالحنان وماكنش حدة
وقلوب ملانة حب ووفا
مش للجميع حاقدة
وحاسدة
راحت سنين والكل ماشي
وعيونا شاردة
مافيش إيدين وقت الوقوع
ماسكة وساندة
كان كله فارش الضلوع
حب وحنان
وقلوب ملانة بالمحبة
الوقتي ضاع كل الحنان
والضحكة ليه تايهة وشاردة
فين الحنان فين الأمان
وفين زمانك أحلى جدة
زمان بيطوي حياة
وحياه ياناس صبحت
معاندة
فين الأمان فين الدفا
فين المودة
باقينا نفرح بانكسار
لما نفتكر ك اللي عدا
الضحكة طالعة يادوب
يادوب خايفة لتبقى
يارب خفف على القلوب
قسوة حياه صبحت مفارقة
بقلم الشاعر فهمى محمود حجازى
