أنت أصلا سكنتني

شعر غنائي
بقلم د.مروه شعبان

تحرير/منة العبد

عارف يعني ايه تتعامل مع أهل الكرم والسخاء
يعني تشوف منهم نهر من المنح أو شلال عطاء
سيل في كل المواسم يجري منه هبات ورخاء
ملوش أبدا نهايه يعني بحر أو محيط أو فضاء

يعني تنام وأنت خالي البال متطمن في أيد أمينه
يبقى ظهر وسند وعزوه من فرد واحد زي العشيرة
لا بجد دي حكايه كبيره والناس لازم تقول خطيره
مفيش بشر زيهم كتير دول عمله نادره مش وفيره

لا يهمه جاه ولا مال بس الأول يرضي الأميره
من عنيها يشوف الدنيا والسكه ليها بقت قصيره
ميسمعش إلا همستها والصغيره في حقها كبيره
يعني أماني هتتحقق والبنوته تنام تصبح وزيره

طب السر فين؟ حد يدلني على الطريق ليها
مش محتاج دليل قلبك لو ولهان هيوصلك بيها
بس دي نجمه من السما وأنا بجد مش طمعان فيها
هي هتعرف أنت مين؟ أوعى تستقل بنظرة عنيها

محدش بيعرف يقربلها ولا أي حد يطلب وصلها
دي تحكم بلد والكلمه من لسانها تساوي كتير تقلها
هي كمان في دارها كريمه عمرك متشوف منها بخلها
ريحة حلوة تشمها متبقاش عارف وردها من فلها

لو حبتك يبقي هتسعدك مش بقولك لؤلؤة برقتني
هتخطف قلبك وهتقولك أنت الدنيا أنت ملكتني
كيانك من كياني أنت بوجداني أنت أصلا سكنتني

أنت أصلا سكنتني