«{[إعرف قيمتك الحقيقية]}
«{[إعرف قيمتك الحقيقية]}»
بقلمى : د/علوى القاضى.
… قيمتك الحقيقية عند الٱخر تظهر حينما يكون هو محور الموضوع
… مثل صاحب عيد الميلاد لما يكلمك ويقولك إنت فين مش هطفى الشمع من غيرك
… والعروسة إللي بتطلع من وسط الناس تيجي تشدك عشان تقف جنبها
… إللي بيتكرم فى حفل بهيج ، وعينه تفضل تدور عليك عشان يتأكد إنك شايفه وفخور به ، إنه حقق إنجاز جديد في حياته ولما يترك الناس ويجيلك علشان تفرح معاه وتفتخر به
… اللي بيكون مطحون ويتعمد يفضيلك وقته ويكون معاك إنت وبس
… الطفل إللي في وسط كل الزحمة يفضل يدور عليك عشان تبص له وهو بيعمل حركة جديدة
… وقتها بتعرف وبتدرك قيمتك الحقيقية عند الشخص ده وبتعرف قد إيه وجودك فارق بالذات في أهم لحظات حياته وقد إيه إنت مهم عنده إنت وبس ولاأحد غيرك فقط إنت !
… أحبابي وأصدقائي ومتابعي وزملائي وأهلى وجيرانى ، حتى تزداد وتتنامى قيمتكم عند أحبابكم ، نصيحة لحياتكم ، اللين باللين والود بالود والبادئ ألطف ، وباللطف تألف الروح ، وإني لذو ود لمن دام وده ، كل الود والحب والإخاء وأيامكم سعيدة ياأصدق الأصدقاء ، قيمتكم لما تقولوا لأحبابكم : صباح القلوب الطيبة الصافية وصباح المحبة ، وصباح الورد والفل والياسمين ، إجعلوا صباحاتكم معطرة بذكر الله ، وإدعوا لأحبابكم : تقبل الله منا ومنكم صالح الأعمال
… والله كلام من قلبى وبصدق ، لو سألتونى أقول لكم طبعا الأسرة والأهل والأقارب بكل درجاتهم لهم مكانتهم الخاصة وتقديرهم ومحبتهم ومعزتهم التي لاتقدر ولاتعوض ، ولكن هناك منهم أحباب قوي ، ولهم مكانة في قلبي وحياتي وهم موجودين في زاوية معينة ، مينفعش تتكرر ومينفعش حد يكون مكانهم ، ومينفعش مهما حصل أتأثر أو أزعل منهم
… في ناس في حياتي لهم رصيد غلاوة كدا أنهم يعملوا اللي هما عايزينه ، مستحيل أفهمهم غلط ، مينفعش أزعل منهم ، نيتهم سالكة لله وقلبهم أبيض وحبهم واصل لي حتي لومش بنقول لبعض دا
… في ناس في حياتي مينفعش أشك في حبهم وأخلاصهم وأنهم بالفعل سند وضهر ليا ومستحيل ، مستحيل تستحمل عليا حاجة ، وترد غيبتي وتستاهل بجد المكان اللي أنا حاطتهم فيه
… في ناس في حياتي بحس بيهم وبيحسوا بيا من غير مانتكلم بنفهم بعض من نظرة ، ومن غير حتي نظرة بنحس ببعض ودا أكبر دليل علي حبنا اللي من القلب
… في ناس ، وناس ، وناس ، وبين كل ناس وناس فرق كبير
… في أماكن في قلوبنا مش احنا اللي بنرتبها والله أصحابها هم اللي بيختاروا أماكنهم ، في اللي بيكون فوق وفي اللي بيكون تحت
… أولهم زوجتي اللهم بارك لي فيها ويعطيها الصحه وطول العمر وأولادي ربنا يبارك لي فيهم وإخوتي ربنا يخليهم لي
… لو في حياتك ناس بالمواصفات اللي فوق دي تمسك بهم علشان مش هتلاقي منهم كتير ولا اللي يعوضهم
… تحياتى …
إعرف قيمتك الحقيقية
