التوبة 

التوبة

بقلم علياء عبدالله 

اوعي ترضي عن نفسك أبـداً مهما عملت من أعمال صالحة لإن ممكن بالتدريج وواحده واحده يتسلل الكِبر والغرور لقلبك، دايماً قول أنا مُقصر ،وحاسب نفسك باسـتمرار، اعمل لنفسك جدول يومي

مثلاً ؛ قول

” أنا النهارده مش هغتاب حد، ولو قعدت في مجلس غيبه هقوم بسرعة”

 جـايز يقتدي بيك حد ويقوم زيك وربنا يقدرك على فركشة مجالس الغيبة!

 “مش هأخـر صلاتي “

 وهكذا، اسأل نفسك أنا كده كويس ؟ لو شافنى رسول الله (صلي الله عليه وسلم) هيكون راضي عني ؟ 

عـارفين أنا دايماً بفتكر قصة الثلاث صحابه اللى تخلفوا عن غزوة تبوك ، وببكي لما بقرأهـا ومن أقرب القصص لقلبي وبالأخص قصة توبة سيدنا كعب بن مالك،

( نصيحه اقرؤوا القصة بتركيز ، هتلاقوا فيها دروس مستفاده كتير أوى، وأهم درس الصدق مع الله )

 أعرض عنهم النبي حتى يقضي الله فيهم أمراً،تجنبهم الناس ،اعتزلهم نساؤهم! بجد غُـربة قاسية جـداً، انت مُـتخيل يعنى إيه صحابي يكلم النبي ومايردش عليه !! 

و نزلت التوبه عليهم فـ الليله الـخمسين!

(وَعَلَى الثَّلَاثَةِ الَّذِينَ خُلِّفُوا حَتَّىٰ إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ وَظَنُّوا أَنْ لَا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ)

يـا تري إحنا محتاجين قد إيه عشان ربنا يقبل توبتنا ؟

طول ما فيك النفس جدد توبتك كل يوم 

اللهم تـُب علينا وارزقنا توبةً مقبولة

اللهم رُدنا إليكَ رداً جميلاً ويسر لنا طاعتك. 

التوبة