الشعر
الظلم بين
الظلم بين
بقلم الشاعر فهمى محمود حجازى
انت فاكر لما تظلم
الظلم هين
فيه رب عالم بالمظالم
والظلم كان واضح وبين
ورده ع الظالم عذاب
ورده على المظلوم
حنين
يوم تجتمع الخصوم
وانتوا من غير الهدوم
متدارين بين الهموم
يابخت من عاشها حلوم
قلبه صافي وكان خدوم
وكل ظالم جايله يوم
عمر ظلمه مهما طال
ليه نهاية وسوء ختام
ودعوة المظلوم عليه
وهو مش قادر ينام
سهم صايب ع الدوا
والكل قدام الإله
مشط متساوي السنان
واللي فايز الهمام اللي
عايش بالسلام
وده اللي بيزين الميزان
بس انت مسدود الودان
