بلغة البسطاء

بلغة البسطاء

بقلم : محمد خضر 

بلغة البسطاء

الحياه دروس أتعلمت منها أن عمري ما هفهم حكمة ربنا من أي حاجه بتحصل لي دلوقتي وعمري ما هفهم هل الخير اللي مكتوب لي هيكون في الحاجه اللي أنا حاببها وهموت نفسى عليها ولا في غيرها اللي انا مش عاوزه ….

أتعلمت أن مهما حصلي حاجه فأنا لازم أحسن الظن بربنا

أنه أكيد هو شايلي الأحسن 

 وأن ربنا طول ما أنا حاطت إعتمادي عليه وتوكلي عليه

 فاستحاله أنه يظلمني ولا يخذلني ولا يكلفني اكتر من طاقتي ..

صحيح إحنا منقدرش نمنع نفسنا من التعلق بحاجه أحنا نفسنا فيها وعاوزينها وكذلك لانمنع نفسنا من الزعل على الحاجه دي لو ضاعت مهما حصل أحنا بشر وهنفضل بشر وعمر مشاعرنا ما هتقف ..

بس لازم نفهم أن اللي أحنا بنحبه دلوقتي ممكن يبقى عدونا بكره 

واللي أحنا بنكرهه دلوقتي ممكن يبقى حبيبنا في يوم من الايام وأهتماماتنا دلوقتي ممكن تتغير مع الوقت واللي بنعيب عليهم ممكن نبقى زيهم فيما بعد …….

أنت مش مضطر تدي حاجه أكبر من حجمها لما تفرح مش لازم تفرح أوي ولما تزعل مش لازم تزعل اوى ولما تتعلق مش لازم تتعلق أوي ، ولما تحب مش لازم تحب أوي ولما تكره مش لازم تكره أوي..

وخليك دايما فاكر إن اللي انت بتعيط عليه اليوم ممكن يموتك من الضحك غدا