حبر القلم

…….حبر القلم……..
كلمات يحيى العبادي
=============
حبر القلم اهو جف
والحلم دخل الصف
والقلب شاف أحوال
خلي التقيل بيخف
تاه الكلام واهو راح
ولسه الي جرح جراح
والي كان له مكان
مات قلبه يوم ماارتاح
منين تقول وتعيد
ولمين تكون المواعيد
الي جانا مش مطلوب
والي في قلوبنا بعيد
ليه انت مالكش مكان
خليك كبير …انسان
ازرع في ارض الخير
واحصد جمال وحنان
مهما تقول أنا مين
تايه مع…. التائهين
عايش مابين الناس
وبجرحي مش حاسين
انسي الي فات ازاي
كل الي فات مش جاي
ازاي في بكره اعيش
وانا حزني بصوت الناي
اكتب ياقلم حرفين
والناس عليك شاهدين
والحبر من ……دمي
وارحم دموع العين
انا الجريح من الحب
والجرح كان في القلب
والي انتهي اهو راح
من غير خداع ولا كدب
تاه الطريق ومشيت
بعد الدموع وبكيت
والي جاي مين يعرف
القبر ليه……..حنيت
اخر سطور الكلام
ياخلق ادفع كام
عشان يطيب الجرح
وارتاح وعيني تنام