حجر أسوان

حجر أسوان  

 شعر/سكينة الصولى 

إحكى لى ياحجر أسوان 

وقوللى عن رموز جدعان 

وأيه ينقصنا عن ماضى 

مسطر فيه جدودنا زمان 

وإحكي يا حجر أسوان ٠٠

مينا موحد القطرين

ولم العيلة والشملين 

وكات عزوة وملو العين 

تمللى توحد الديان ٠٠

و إحكى يا حجر أسوان 

وأحمس٠٠ فجر البركان 

فارس حارس على الأوطان

شجاع وحارب الهكسوس 

وع الأشرار وكان بيدوس 

دا إبن مصرنا المحروس 

منين مايروح أشجع الشجعان 

وإحكي يا حجر أسوان ٠٠٠

وحتسبشوت ودير بحرى 

وكان أسطولها ع البحرى 

ووصل التاريخ ** لبعيد

لأقصي الأرض أحلى بريد 

مسلات للرموز بتشيد 

وأمجاد المصاروة تزيد 

وآثارنا على الجدران ٠٠٠

وإحكي يا حجر أسوان 

مين أسسك وشكل الوجدان 

دافئ حروفك بينطق الجعران 

عشان مصرى وطين حصرى 

ويوم نصرى أنت الصولجان 

تعيش دايما ياحجر أسوان 

حجر أسوان