حكاية حُــب
شاعر العاميه جلال محمد
كفرالشيخ
……………
أيامنا كانت
حكاية حُــب
أنا وإنتِ عِشناها
وكل حاجه كانت
فيها تتحب
ولولا القدر
كنا مع بعض
كملناها
واللحظات الحلوه
بينا….تشايقناها
والأوقات الورديه
كتير…شُفناها
وإفترقنا
وفاتت الأيام
عِجاف
ومرت سريعه
السنين
ولِساه القلب
شايلك حب
ورافض نسيانك
وفاض الشوق
والحنين
مشتاق أنا بنظره
منك ياضي العين
محتاج لمسة
إيديكِ الحلوين
محتاجك تروي
القلب المليان
أنين
بكلامك الطيب
وإسلوبك الرصين
كنت عاوزك تفضلي
ويايا
أنا ليكِ….وإنتِ معايا
أرضى بهواكِ
وتِرضي بهوايا
دا حبناكان حكايه
مشتاق أشوفك
وأحس أنفاسك
يرتاح نبضي ف
شراييني
عاوز أشيل الشوك
من طريقك
وأفرش مكانه ورد
يليق بيكِ
وأنشرالفرح قدام
عينيكِ
ويحيا القلب بيكِ
وليكِ
وبرجليا أدوس
علي همومك وأحزانك
يانبض قلبي..
ياكُل كُلي..
ما إنتِ مني
ياشايله همي
وسائله عني
ياكل حبي والجاي لعُمري
ما هو إنتِ حكايه
والحب كده
أجمل من أجمل رواية
………………
2023/7/7
حكاية حُــب
