زجل قصيد باللهجه العاميه
أول ما ولدت أهلي ترضوا
عليِّ كل العمر سَهر قضوا
رضعت البلاغه من نهد أمي
وبفصاحة بيِّ أفكاري توضوا
من المهد مشيت الفصاحه بدمي
صرت باب الدهر بإيدي خضوا
أول ما فتح ورد كمي
قلب السبع بسناني عضوا
يا فلسفة الزكا ضلي شمي
ورد العمر معك سنيني مَضوا
قطفي الشهد عن شفاف تمي
بكر الزهر نحلي فضوا
صغلك الجواهر جوهرجي بهمي
حتى عنك العين ما يغضوا
نظمتك قوافي رفعتك عاقمي
تركتك بحث معك الوقت يمضوا
يا ناقد شعرنا هلاء حمي
فرن فكرك والأقلام يمضوا
وابحث بشعري والفكر نَمي
من عنابر عطر ملياني زكاوي
مهما يعبوا منها ما بيفضوا
……. ……….
يا شعار الوهم لا تنحمي
مني لا تنهزي ويحكمك غُمي
ما في بالسما طير سنونوا
نزل هدا وغرد على كمي
مهما بنظم القوافي تكونوا
بكفي منجلي بجم جمي
ما بعبي العنبر. عيونوا
عفير القمح خلفي لِمي
تشرين شعركم فضى صحونوا
شجر يابس ورق ما بِنمي
بأرض طحله ما بتجني غصونوا
ولا فرن. الخمار بتحمي
حرام أدبنا تخيبوا ظنونوا
من العلًْيق ما شم شمي
على جيرتي فتكر شبع فنونوا
عطر وصل على أعلى قمي
أنا رب الشعر وبحرو بجنونوا
ورب الزكا يا رب سمي
عاسريري الطفل غفيت عيونوا
سقيتو من حليب البلاغه
شبعتوا من حناني الماشي بدمي
بقلم الأديب والشاعر يوشع علي إسماعيل
زجل قصيد باللهجه العاميه
