ظل داخلي
بقلم/نشأت البسيوني
في كل انسان ظل داخلي ما حدش بيشوفه غيره جزء سري من الروح بيظهر وقت الهدايه ويختفي وقت الزحمه كأنه مرآه بتعكس حقيقتك اللي ما تعرفش تقولها لأحد الجزء ده بيحمل أفكارك اللي ما بتتقالش وأحلامك اللي ما اتحكتش وخوفك اللي بتواجهه وانت لوحدك الظل الداخلي هو المساحة اللي بتتجمع فيها اللحظات اللي أثرت فيك من غير ما تحس اللحظة اللي اتكسرت فيها واللحظة
اللي وقفت فيها من جديد واللحظة اللي ضحكت فيها رغم الألم واللحظة اللي خبيت فيها دمعة علشان تكمل يومك كأن شيء ما حصلش ومع كل يوم بيعدي بتلاقيه ده بيتشكل يكبر يصغر يتغير حسب تجاربك ومواجهاتك وطريقتك في التعامل مع الدنيا يمكن ما بتحبش تبص عليه لكن الحقيقة إنك محتاجه علشان تعرف انت ماشي ازاي ورايح لفين مش عدو ولا خطر ولا
ضعف لكنه دليل صامت إنك بشر وإنك بتتأثر وإنك بتتغير وإنك بتحاول رغم كل حاجة ويمكن أهم حاجة فيه إنه دايما بيقول لك الحقيقة حتى لما انت مش قادر تقولها لنفسك والشجاعة الحقيقية مش إنك تخبيه الشجاعة إنك تسمع صوته وتفهمه وتتعامل معاه وتخليه بدل ما يكون عبء يكون نور يرشدك في طريقك
