انا قلمي عليه اللوم
مخاصمني وحبره كتوم
ترك بيته في حي الشعر
وقال مكلوم
لاانا قادر عليه بالشرح
ولا أصرخ وأقول مظلوم
وافكاري وأوراقي شكوا
قلمي بقالهم يوم
ولما صاحبنا علم بالشكوى
هرب منا وقال مهموم
ورحناله وقولناله ماتزعلشِ
وكان زعله عليه مرسوم
وقال انا باكتب بإحساسك
ومش باكتب بدون مفهوم
وحبري بيجري فى دمك
وإحساسك ليا كان معلوم
كتمت عليا إحساسك
وجبت عليا الغلط و اللوم
وانا عمري ماباكتب شئ
ماهوش مفهوم
دانا صوتك وانا حسك
وانا اللي ف بحراشعارك
عشقت العوم
بقلم الشاعر فهمى محمود حجازى
