عمرك ما حبتيني
* عمرك ما حبتيني *
احمد ماهر ابو نورا
لو انتي حبتيني بجد….
مكنتيش خليتي ما بينا فواصل وحد…
لو انتي حبتيني بجد…
ما كونتيش بنيتي بيني وبينك
مية حاجز ومية سد….
لو انتي حبتيني بجد…
ما كونتيش تتغيري….
وتبعدي وتحيري…
وانادي عليكي بدموعي
من غير ما اسمع رد….
لو انتي حبتيني بجد…
ماكونتيش خليتي المسافات تبعد اكتر واكتر…..
وشكوكي وظنوني تكتر وتكتر…
وسؤالات ملهاش اجوبه ولارد….
لو انتي حبتيني بجد…
مكنتيش عومتيني في بحر اعزار…
وشعللتي من حوليه النار…
من غير ما تمديلي يد….
لو انتي حبتيني بجد…
ما كونتيش خليتي حوليكي علامات استفهام ملهاش اول من اخر وملهاش عد….
لو كنتي حبتيني بجد….
كنتي ضحيتي علشاني….
دا انا حبيتك حب ما حبتهوش لحد تاني….
وما شوفتش منك
غير النكران والصد….
انتي عمرك ما حبتيني….
ولطريق مسدود وصلتيني….
وخليتي كل اللي ما بينا يتهد….
انتي عمرك ما حبتيني بجد…..
احمد ماهر ابو نورا
شاعر الصعيد
