قارئه الفنجان
قارئه الفنجان
كتب سمير الشرنوبي
قارئه الفنجان
وقولي بامانه ع المكتوب
صحيح هاينصلح حالي
و..فنجاني انا مقلوب
طيب ما تشوفي حالي
ومطول.. اعيش ايوب
ليه كل خطوه اخطيها
في الدنيا تتوه وتدوب
انا محتار ولا عارف
وتايه بين شروق وغروب
ياخاله قولي ايه بيقول
في الدنيا تايه ف دروب
بلف اللفه واكون راجع
محمل بخطايا وذنوب
ياخاله قولي قاللك ايه
عاصي وحالم انه يتوب
اسمع ياولدي فنجانك
وشوش وقالي ع المكتوب
انا شايفه انك طيب
ولاغاوي تخوض ف حروب
وفنجانك راسم شجره
وراسم صوره للمحبوب
وكاتب كمان لكام كلمه
اجي أقراها تتوه وتدوب
انا في حيره من امرك
ومن بيدبر لك ملعوب
ومين ياولدي بيغشك
ومين سايب لباب موروب
ومين ياولدي بابك خبط
واسمك بيتنده مندوب
نازل ياولدي في بحيره
وليه خايف وليه مرعوب
انا ياولدي عيني شايفه
انك واقف بتبني ف طوب
وعليت طوبه فوق طوبه
وشايفه الاساس معيوب
فوق منك طارحه عنبايه
تروح تقطف تكون خروب
وايه. ياولدي كان جبني
ومين هو ال كان جابك
خد ..ياولدي ده حجابك
اسم الله ..جواه مكتوب
………….ياولدي
