……شهر الصيام…….
كلمات يحيى العبادي
==============
كل عام وانتم بخير
وصاحي فيكم الضمير
والدنيا بوجودكم جميله
والحلم لعيونكم اسير
ايوه هوه ده المكان
والحلو يبقي رمضان
شهر المحبه والصيام
شهر بتحس فيه امان
خليني احكي يوم عليه
افهمني اعرف بحكي ايه
رمضان كريم يارب بارك
حس بغيرك ايه الي فيه
خليك لطيف حس بجار
خليك لغيرك في انتظار
شهر الصيام شهر المحبه
فيه رضا ربك هوه الانتصار
اسمع كلامه قولي سامع
صلي عشانه بكل جامع
واعرف بانك في حاجه ليه
بذكر ربك تنهي المواجع
كل عام ……..وانتم بخير
الصحبه حلوه فيها نسير
والحب عنوان شهر الصيام
فيه العطايا من ربك كتير
