….(( قول الحق ))….
بقلم د/عمر عبد الجواد
إصحي …و قول الحق
قول للفاسد ………. لأ
لا صوتي …….هيسكت
من قولة. …………حق
و لا أرضك … . هتنبت
…………قبل ما تنشق
إصحي .. و قول الحق
قول للإحتكار ……..لا
الاحتكار ……. شعلة نار
تحرق قبور……….. تجار
شيطانه عماها …و جار
و قلبه للجار….. ..ما رق
إصحي…. ..و قول الحق
تحتكر السلعة …و تخزن
و للصلاة …. تجري تأذن
و جارك … حالته تحزن
و حط صوابعه في شق
إصحي …..و قول الحق
قول للرشوة ……….. لأ
يرتشي ما يختشي حد
و طمعه …….. فاق الحد
و بنعم ربنا ……….جحد
و صاحب المصلحة هيطق
إصحي ……و قول الحق
قول للدروس ………. لأ
في المدرسة واجبك بتهمل
لا تحضير و لا شرح تعمل
و ربك ليك ……….بيمهل
ناقوس وفي كل بيت دق
إصحي …….و قول الحق
قول للواسطي ……….. لأ
و للمحسوبية …… ألف لأ
بالواسطي..يموت الضعيف
و يضيع ……. حق الكفيف
في الأدراج و علي الرصيف
و لا. يقدر ……. .يقول لأ
اصحي …….. و قول الحق
★★★★★★★★★★
د/عمر عبد الجواد عبد العزيز
