كان وراح

……….كان وراح…………
كلمات يحيى العبادي
===============
فين الطريق بقيت انسي
فين المسار فين المرسي
طال السفر والقلب خلاص
من جرحه جارح و بيقسي
فين الي كانوا حواليه
دائما معايه ميه ..الميه
من يوم ماقولت انا مسافر
لا سألوا….. ولا طلو عليه
انا كنت ياما بقول عنكم
عشت اطبطب واخدمكم
وقولت ناسي دول اهلي
علي كل ..حاجه بعلمكم
قابلوني نكران ونداله
كلام خلاص ابقي تعاله
فاكرين هاكون واحد تاني
يمسك في ديل الخياله
لحظه خلاص فوق استني
مش دي الحياه عندك جنه
ولا عمري اكون غير نفسي
هاتعيش تشوفني وتتمني
انك تكون ماشي معايه
صدقني وقتك له نهايه
ترجع وتحكي في أسرارك
عمرك ماتفرق …جوايه
ابعد خلاص انا مش شايفك
ايوه انت مين مش عارفك
الي فات مني نسيته
عض صوابعك وشفايفك
فين الطريق ياناس بنسي
لقيت خلاص مينا ومرسي
انا من السفر راجع تاني
قلبي الجريح لازم يقسي