متصدقيش
عادل محمود
متصد قيش
لو قلت عودي
مترجعيش
نفسي أتعود علي بعدك
نفسي أعيش
عايز أعرف ايه مصيري
ونهاري من ليلي
وإن طلبت منك تجيني
أوعاكي تصدقيني
سعديني
يمكن أقدر
أستغني عن غرامك
وأنسي الحنان
مع إني عارف
من زمان
أن عشقك إدمان
وحبك دوامه
فيها بلف وأدور
غرقان في بحور
من الوهم والظنون
كل محاول
أهرب من سجنك
وأخطي السور
أرجع تاني مكسور
وكأني مسحور
وأنا اللي كنت
فارس وجسور
قتلتي فيا الغرور
مش قادر اثور
و أبقي حر
غاوي أدوق منك
طعم المر
متزعليش
ده حب زياده
حاولت كتير ابعد
بس برجع كالعاده
وان قلت مترجعيش
متصدقيش
