ادب وثقافة
مش عارف ابعد عنك
مش عارف ابعد عنك
كلمات الشاعر محمد عبد العزيز رمضان
مش عارف ابعد عنك
والا أقرب يوم
مهما حاولت أحبك
بلقاني كدا مظلوم
وتعبت أقول واعاتبك
منك بقيت مصدوم
قلبي خلاص مش قابلك
كله جراح وهموم
وقسيت كتير من بُعْدك
وصبحت مش مفهوم
ما وفتشي مرة بوعدك
والصدق بقى معدوم
وعايزني تاني أسامحك
أنت كمان موهوم
مهما أداوي في جرحك
قلبي جفاه النوم
وحاولت إني أصالحك
ما لقتشي غير اللوم
مش عارف أرجع تاني
والقاك يا أغلى حبيب
وقدرت ليه تنساني
ولقلبي كنت طبيب
بعدك بقيت وحداني
عايش حياتي غريب
غرقان كدا في أحزاني
شمس الأمل بتغيب
وفي بحره هو رماني
من ظلمه ليّا نصيب
