ياسلام ع الشدة. بقلمي/فتحي ابو طاحون. أه.أه.أه.أه. دى الآه مابتطلعش غير من كتر الوجع.. مابحسش بيها غير إللي حاسسها آه و رب الجدع.. أصل التار لللي كابشها. مش م لللي منها مرة إتلدع.. ياسلام ع الشدة لما تبين... أصل وفصل تاريخ الناس.... حقدر نفسي انا لسه بليين... وحركب ليها ميت ترباس.... علشان في م الناس ،،، ناس.... نسيوا الفضل و المعروف... لا بيحركهم أي شعور...و لا فيهم نقطة إحساس.... نسيوا إننا ع الدنيا ضيوف...و حنسبها بجردل ماية وفاس.... دا مافيش حد راح للشمال...او استحلاه ومنه رجع.... .....اه.اه.اه.اه..... ..... دي الآه مابتطلعش غير..من كتر الوجع.... الآه بقولها من أحزاني. ودموعي نازلة لكن جواني.. ماعدش خلاص ف عيوني دموع، نشفت من كتر مابكاني!!!! ناس ماكنتش ا تخيلها،، ترقص على جرحي و تنساني !!!!! عنهم عمري مااتخليت،،، وكنت بجد كبير البيت،،، لما خيري كان ع الكل، واما وقعت شفت الذل،، فبان ليا اصل الوش، معجون غدر و كدب وغش!! كان مدهون طيبة و إخلاص،و بدل الوش مليون وش!!!! ليهم انياب زرقة طويلة، حرص منهم ولا تتخدع...... ......اه.اه.اه.اه...... دى الآه مابتطلعش غير..من كتر الوجع يا سلام ع الشدة
