العُنُوثة الغائبة وتأخر الزواج بين الشباب… مين السبب 

العُنُوثة الغائبة وتأخر الزواج بين الشباب… مين السبب 

كتب تامر ياسين 

تعالى نتكلم بصراحة ومن غير لف ودوران:

تأخر الزواج مش سببه الفلوس بس، ومش سببه الرجالة لوحدها، ومش الستات برضه لوحدهم… المشكلة في الفكر.

بقينا مجتمع بيحارب الأنوثة باسم القوة، وبيهرب من الرجولة باسم الحرية.

الأنوثة مش نِدّ للراجل

فيه بنات فاكرة إن الأنوثة معناها الصوت العالي، والعناد، وفرض السيطرة، وكأن الجواز معركة لازم حد يكسب فيها.

والحقيقة إن الراجل مش بيدور على خصم… بيدور على ست يحتوي عندها، مش يتحاسب.

وفي المقابل، فيه شباب كتير هربان من الجواز، لا جاهز مسؤولية، ولا ناوي يتغير، وعايز زوجة مثالية وهو لسه مش راجل بيت.

ليه الشباب بقى يتأخر في الجواز؟

طلبات خيالية ملهاش علاقة بالواقع

مقارنة دايمة بالسوشيال ميديا

خوف من الفشل بعد ما الجواز اتحول لسجن مش شراكة

فقدان الثقة بين الطرفين

فين الحل

الحل مش في مهاجمة الست، ولا تبرير ضعف الراجل، الحل في:

رجوع الأنوثة الحقيقية: احتواء، هدوء، ذكاء مش صريخ

رجوع الرجولة الصح: مسؤولية، أمان، فعل مش كلام

بيوت تتبني على التفاهم مش الاستعراض

جواز على قدّنا مش على قدّ الناس

كلمة أخيرة

الجواز مش مشروع استثماري، ولا حرب أعصاب.

هو سكن… والسكن عمره ما يتبني بين اتنين كل واحد فيهم شايف نفسه صح والتاني غلط.

لو فضلنا نحارب بعض، هنفضل نكبر لوحدنا.

العُنُوثة الغائبة وتأخر الزواج بين الشباب… مين السبب