ملحوظة

ملحوظة

بقلمى/عاطف جمعة

ملحوظة : انا كتبت هذه القصيدة فى مطلع عام 2025 عندما رأيت كثرة التهانى والتفاؤل بالعام الجديد وكنت انوه فيها عن وحدة واتحاد المسلمين الذى لم يحصل للأسف .

فرحانين
*
انا ليه شايفكم بالسنة الجديدة
فرحانين
*
ليه شايفكو بتستقبلوها
بالحب والشوق والحنين
*
أخدتو ايه من فرحكم كل
مبتعدى السنين
*
فرحة فاتت ثم ماتت
والعمر مليان بالأنين
*
لأ ولسة فرحانين
*
رغم اللى فات كان قاسى جدا
طب ماللى جاى متعاص بطين
*
قلولى ليه فرط التفاؤل
هو احنا بقينا مالاوائل
او امتى كنا مرتاحين
*
ماحنا بردو زى ماحنا
واحنـا بردو هوا احنا
بنخلط الطين بالعجين
*
شايلين همومنا فوق كتافنا
وياما هللنا وهتفنا
طول مبتعدى السنين
*
أخدتو ايه من السنادى
ماللى فات كان بردو عادى
*
حتى ولحد السعادى
احنا بردو مكملين
*
مكملين فى النفاق
اللى واصل للآفاق
على حساب التعبانين
*
فرحانين
فاكرينها جاية محملة بالخير
لكل الشقيانين
*
متفرحوش وتبالغو تانى فحبها
*
تفرق ايه سنة وهتعدى زى اللى
عدو قبلها
*
واحنا بردو تعبانين
*
بقى بعد اللى شوفناه فى حرب
غزة
الحياة بقى ليها لذة
*
سوريا كمان زارها الكيان وكل المستخبى بأن من أمة جبانة
ومستفذة
مبقاش فيه دم فى العروق وكمان مفيش فى النفس عزة
*
بقى كل ده ومش قلقانين
*
نفسى اعرف انتو على ايه
بتفرحو
*
ياكش فاكرين ان السنادى
هتفلحو
*
هتعدى بردو وكل واحد هيبقى
قاعد مطرحو
*
وعمركم مهتفلحو
إلا لو جمعتكو وحدة ويد واحدة
يامسلمين
*
وساعتها انا هافرح معاكم لما
لما اشوفكم فرحانين

ملحوظة