افرجها يا الله
عادل محمود
قول للجدع مهما اتوجع
إياك تقول ال ااااه
خليك جدع
مهما يطول بيك الوجع
ارمي الوجع انساه
في كل أمر عسير
في الهم و التفكير
مهما بيبقى كبير
اليسر جاي معاه
لما صبر أيوب
على كل شيئ مكتوب
عَدّت آلام و كروب
والمولى جابله ُ شِفاه
مكلوم يا قلب الأب
يوسف ضعيف في الجُب
فقد الحنان والحب
وعليم بحاله ُ حماه
وسط الظلام والموت
والكون دا كله ُ سكوت
يونس في بطن الحوت
بس الكريم نجاه
همك دا مهما يطول
ارفع إيديك علي طول
ادعي بصدق وقول
افرجها يا الله
