تفتح تبان
………………….
تفتح تبان
تغمض بيبان
تدفع رشاوى
تفوت فالزحام
تمسك لجام
لانك هومام
وتكبر قوام
وتحط برفان
فالصورة تمام
رجل اعمال
وتفتح شركة
وتقسم التركة
وتروح البرلمان
تقول تعظيم سلام
وكله تمام
وشبابنا فخبر كان
مسرحية ودايرة من زمان
وكله فى التوهان
شبابنا فى المصانع
شبابنا فى الشوارع
شبابنا بيلم بلاستيك
وكنز كمان
شبابنا دة جيشنا
حصن الامان
ولما يتخرج عريس
مش عارف يعيش
الشقه بكام
قالى سلام
حاضر سعادتك
طب هشتغل بكام
تاكل وتشرب
وتقوم تنام
اوامرك يا فندم
واقولك تمام
انا عايز أعيش
انا محلتيش
تشد حيلك
وتكون مصابر
والرب جابر
تعيش مكافح
للقمة طافح
وتقول تمام
لا تغير مضاربك
وتسلك دروبك
تبيع حشيش
تعبى جيوبك
اعملك فيش
وتبقا صايع
وتنسى المصانع
او تبقا فنز
وتشرب كنز
وتعمل فوديوهات
ع التيك توك والشات
وتقول افهات
وتغنى ياما التعلب فات
استنه ايه العمر فات
تركب عربيات
وتبقا نجم الشاشات
تبيع لجامك
تصبح حصان
حصانك لسانك
ان صنته صانك
ان قولت هانك
هتسكت هتعيش
هتصبح أفيش
اعلامك كلامك
كلام وخلاص
دايرة الدايرة
وما فيش زحام
اللحمه بكام
والفاكهة بتقولى
روح نام
هتشوفنى
فى الاحلام
كلمات الشاعر
صلاح على قطب زهران
تفتح تبان
