جو وبر وبحر عساكر
أحذر منى وخدلك ساتر
أوعى يغرك حلمى وصبرى
أنا ع الجبهه داهيه وماكر
أوعى تفكر يوم تتمنظر
أقرا تاريخ كان غيرك أشطر
عمر ماكان جيشى بيهزر
أقرا تاريخ الحرب وذاكر
غيرك ياما بلاد وجيوش
رفعوا سلاحهم لقيوا وحوش
أخدوا الدرس ولا فهموش
إن الجندى المصرى مذاكر
عارف أمتى الضربه بتوجع
دارس فن الحرب ويبدع
أمتى يهاجم أمتى بيرجع
حافظ كل تاريخه وفاكر
غيرك أشطر أصحى ياشاطر
ياما عدينا أهوال ومخاطر
علشان جيشى ساجد شاكر
جو وبر وبحر عساكر
أوعى تفكر تهين رجل الجيش
وكده انت بحياتكم هتخاطر
والعب بعيد عني ياشاطر
احنا حياتنا اهوال ومخاطر
رجل الجيش عنيد ومقاتل
وفى الصح دايما حاضر
وغير الصح والاصول
كده انت بحياتك هاتخاطر
#صلاح الرحاب بطل اكتوبر
