ادب وثقافة
حبي ليها غلطه
،،،حبي ليها غلطه،،،
اسلام حسن
جرحتني بكلمه واحده وقلبها ما اعتذرش
وحبي ليها غلطه ويا ريت ما تتكررش
ده انا علشانها تعبت كتير وتعبت معايا كتير
وجت تقول لي فجاه اعتبره ما حصلش
وكانها ماسكه لعبه فاكراها ما بتتكسرش
سابتها من ايدها رميتها وخليتها حكايتها
فاكره ان دي نهايتها شمعه بايديها طافتها
ونسيت اني حبيتها
قتلت نفسي ظلمتها
وراحت للي نسيوها
قفلوا الباب وكسفوها
والدنيا شالتها حطتها
ما لقيتش غيري قدامها
راجعي لي تقول لي من تاني
انسيها زي ما نسيتها
ودوست على قلبي وصديتها
ولساني نطق كلمتها
خلاص ما عادش ينفع
رجوع ليكي من تاني
وعيني عليك مش هتدمع
هتكوني اخر احزاني
بتقسي وكنت برجع
وبنسى انك سايباني
هعيش في بعدي عنك
وهتعيشي دايما فاكراني
كلمات اسلام حسن
