صاحب نفسك ترتاح خواطر أغاني الأسواني الشريف_أحمدعبدالدايم لمّا تصاحب .. صاحب نفسـك على الأقل تعرف مين بينافسك صاحب نفسك ترتاح ليه تصاحب صاحب عكسك **….**….**….** كانوا الصحاب أصلي وخلّصوا دلوقتي تقليد وفالصوا فيه صاحب بضمان سـنتين خلص الضمان إحذر غدره **….**….**….** وصاحب صيني مالوش ضمان نازل جديد بـ 3 ألوان ممكن تطبله بالتليفون يجيلك ديلفري عالعنوان **….**….**….** وصاحب صاحب مصلحته تفتح له جيبك ريحته لو طالبته بللي عليه يزعل ويقول أنت جرحته **….**….**….** وأصحاب تخصصهم تفاريح فاضين يضحكوا عالمجاريح طول الليل بيقولوا كلام يطلع عليه الشمس يسيح **….**….**….** اتباع وضاع الصاحب الجد باعه الخسيس وثمنه ما عد غلبان و١٠٠ سبت قدم طول عمره عاش منتظر الحد **….**….**….** إحنا في زمن صاحب مالك مفتاح السحر لإعمالك لو أعمى تلاقي عيون حواليك ولو كنت قبيح سر جمالك
