صوت الحقيقه
زجل قصيد باللهجه العاميه اللبنانيه
……………
……………
لساني بصوت الحقيقه التزم
وعا صون حق شعبي عزم
لبنان عا تحرير أرضوا عازم
عا سفرة التضحيه رجالوا عزم
لا مجلس الأمن عطانا حق لازم
ولا قاضي محكمة الأمم الغازي لزم
ولا مجلس التعاون الأمر حازم
على نصرة الحق الدرب حَزم
حكومة بلادي عايشي بالمئازم
سيادة قرارها متلها تأزم
رئيسها بالعدل ما كان جازم
ولا لسانو بحق شعبي أجزم
يا أبن الوطن خليك مُلازم
حُب الوطن أمر مُلزم
تحرير الأرض بدو عوازم
وطهر دم ينبع متل زمزم
تزينة بسلاحي معصب الراس حازم
لفيت خصري بزنار الشهادي محزم
جيوش الكفر على أرضي هازم
طغاة الأرض عرشها بجبالي تكسر
انتصرت عالسيف وماكنت أُهزم
………………….
بقلم الأديب والشاعر يوشع علي إسماعيل
