عتاب ولوم

عتاب ولوم

انا قلمي عليه اللوم
مخاصمني وحبره كتوم
ترك بيته في حي الشعر
وقال مكلوم
لا انا قادر عليه بالشرح
ولا أصرخ وأقول مظلوم
وأفكاري وأوراقي
شكوا قلمي بقالهم يوم
ولما صاحبنا علم بالشكوى
هرب منا وقال مهموم
ورحناله وقولناله ماتزعلشِ
وكان زعله عليه مرسوم
وقال أنا بكتب بإحساسك
ومش بكتب بدون مفهوم
وحبري بيجري في دمك
وإحساسك ليا كان معلوم
كتمت عليا إحساسك
وجبت عليا الغلط و اللوم
وانا عمري ما بكتب شيء
ماهوش مفهوم
دانا صوتك وانا حسك
وانا اللي ف بحر أشعارك
عشقت العوم
بقلم الشاعر فهمى محمود حجازى